జ్యోతిర్మయం

*శ్రీ విష్ణు కందం* (ఓం నమో వేంకటేశాయ) *కందం.1* హరి నిలయము హరి సముఖము హరి వదనము, హరి చరణము లవిగవిగవిగో హరి చరితము ,హరి వచనము హరి కరుణయు సుమధురమది యడగక దొరికెన్. *కందం.2* హరియను మధురాక్షరములు హరియించును కలుషమెల్ల ఆర్తిని మాపున్ తరియింపగ జేసెడి శ్రీ హరి నామము స్మరణజేయు మదె తారకమౌ. సింహాద్రి జ్యోతిర్మయి 11.4.2022 *శ్రీ విష్ణు కందం* ఓం నమో వేంకటేశాయ *3.కందం* ముని తాచిన హరి ఎదపై తను వాసము చేయనంచు తరలిన లక్ష్మిన్ కనుగొన వచ్చిన శ్రీహరి  మన భాగ్యవశమ్మున తిరుమలపై వెలసెన్. *4.కందం* కొంగున ముడి వేసుకున్న బంగారానివి కొలిచెడు భక్తులకెల్లన్ బంగరు వాకిలి ముక్తికి  ముంగిలి గోవింద ఘోష మోగును దిశలన్. సింహాద్రి జ్యోతిర్మయి 12.4.2022 *శ్రీ విష్ణు కందం* (ఓం నమో వేంకటేశాయ) *కందం 5* భయమున జపించి కంసుడు స్వయముగ పిలిపించి నిన్ను పరమును పొందెన్. ప్రియమున తపించి రుక్మిణి స్వయముగ పిలిపించి నిన్ను పతిగా పొందెన్. *కందం.6* సురముని జపించు నిరతము కురు వృద్ధుడు వే తెఱగుల కొనియాడెనదే. వర వానరుడా హనుమకు పరమానందము నొసగిన పలుకును హరియే. సింహాద్రి జ్యోతిర్మయి 13.4.2022 *శ్రీ విష్ణు కందం* (ఓం నమో వ...

84. నంద యశోదల కమితా       నందము నొసగెడు చిరుచిరు నగవుల మొలకై ‌ అందిన అందని నిధియౌ       సుందర వదనారవిందు శోభను గనరే. 85.నిదురించడు నీ పాపడు       ఇది చోద్యమ్మో యశోద ఎటులన పడతుల్      యదుకుల భూషణు డదివిని     నిదానముగ కన్నుమూసి నిదుర నటించెన్.            శ్రీ విష్ణు కందం......... సింహాద్రి. 86. మన్నులు వెన్నల మాదిరి కన్నయ్యా!తింటివనుచు కవితల యా పో తన్న         వెన్నుడవై తింటివనుచు వినిచిన ఆ పో        తన్న కవిత లెంత సుధలు    ‌ ‍ విన్నను కన్నయ్య కథలు వీనుల విందౌ.     ‍ శ్రీ విష్ణు కందం...... సింహాద్రి. 87. దుష్టుల‌శిక్షించి ధరణి         శిష్టుల దయ రక్ష సేయ శ్రీ కృష్ణుడవై          ‌అష్టమి‌ పుట్టిన స్వామీ!         ఇష్టములను దీర్పవయ్య ఇదె కైమోడ్తున్.                 శ్రీ విష్ణు కందం...., సింహాద్రి. విష్ణ...

1.కందం . శ్రీ పాదము నడయాడిన      ఈ పావన భద్రనగము ఇల వైకుంఠ     మ్మే పరమాత్ముడు రాముని     గా పావని సీత తొ ఇట కాపురముంటన్. 2.కందం త్రేతా యుగమున ప్రభువై       సీతాదేవికి విభుడగు శ్రీ రామునిపై       నా తరమా చెప్ప కవిత     నా తొలి భాగ్యము ఇదియని నామది తలతున్. 3.కందం రామా యణమును రాసితి         రా, మా నను‌ నీ స్మరణము రాత్రియు పగలున్    ‌ రా   మా  ఇంటికి దశరథ       రామా! నన్నేలి పాప రాశిని మాపన్. 4.కందం నీవే నా ఆత్మవయా       పావని సీతమ్మ నాదు భావము సుమ్మా!       సేవకు నా ప్రాణ మిడుదు       రావణ సంహార రామ! రక్షించవయా!  5.కందం తమ్ముడి‌నెన్నడు విడువవు        అమ్మ తరిమెనడవులకని అలగవు మదిలో    ‌‌ నెమ్మది ధర్మము విడువవు         కొమ్మను విడనాడియు మది కూర్మి మరువవే! 6.కందం గుహునికి రామా అతిథివి        అహల్యకైతివి అతిథివి ఆదరమొప్పన్...

1.కందం గోవిందాయన ద్రౌపది గోవిందాయన కరిపతి,గోకులమెల్లన్ గోవిందాయన గాంచిన గోవిందా వినుము  నాదు గోడు తెలిపెదన్. 2.కందం కట్టితి మనసును ముడుపుగ      పట్టితి గట్టిగ విడువను పాదములిక నీ     వెట్టిల నడిపిన వెఱువను    గట్టును చేర్భుట నను దయ గగనమ్మగునే 3.కందం. కటి హస్తముతో కష్టము      మటుమాయము చేతువంచు మది నమ్ముదుమే!      కటి లోతున మునిగితి నే     నెటులీదుదు భవజలధిని ఏలగ రావా! 4.కందం భావించెద నీ రూపము గోవిందాయని పిలిచెద  గొంతెత్తి నినున్ సేవించెద నీ పదములు దీవింపగ రాగదయ్య తిరుమల వాసా!  5.కందం నిను నమ్మితి మనసారా,      కొనియాడితి కవితలల్లి కొని నా పలుకుల్    ఘన సంపదలీయవయా    ధనలక్ష్మీ ధవ తొలగగ దారిద్య్ర వెతల్. 6.కందం. కంటను కన్నీరుబికిన      అంటిని నను మరచితివని ఆపదలన్ నా     ఇంటిని నిలబెట్ట ప్రభో!   కంటిని నీ దయ క్షమించు ,కాయుము దొసగుల్. *7.కందం* ఆపద మొక్కుల స్వామీ!       నీ పద సన్నిధి నిముషము నిలచుట కొఱకై     ...

ముఖపుస్తక మిత్రులందరికీ నమస్సులు.ప్రస్తుతానికి శ్రీ విష్ణు కందం ఆపుతున్నాను.మరికొన్ని పద్యాలు రాశాక మళ్ళీ పోస్ట్ చేస్తాను. ఈ *రాజశేఖర శతకం* నేను ఎప్పుడో 15 సంవత్సరాల క్రితం రాశాను.5 ఏళ్ళ క్రితం ఫేస్ బుక్ లో కూడా పోస్ట్ చేశాను.ఇప్పుడు మళ్ళీ మరొకసారి...  ఇంతకూ రాజశేఖర శతకం అంటే మావారి గురించి కాదు సుమండీ.అది కేవలం మకుటం మాత్రమే. *రాజశేఖర శతకం* (మహిళలు..మహారాణులు)                       ఆరంభం 1తే.గీ. శ్రీనివాసుడె దైవమ్ము చేరి కొలువ తెలుగుభాషయె మధురమౌ తేనెవాక అమ్మ ప్రేమయె మమతకు హద్దు భువిని కలికి విజయమె స్ఫూర్తి యీ కలియుగాన. అందరికీ ఆంగ్ల నూతన సంవత్సరాది శుభాకాంక్షలు. నేటి నుండి నేను రాసిన  రాజశేఖర శతకం నుండి ప్రతి రోజు ఒకటి ,రెండు పద్యాలు‌ పోస్ట్ చేస్తాను. మా శ్రీ వారి పేరు రాజశేఖర్.ఆయనకు అంకితంగా‌ ఈ కావ్యం రాశాను.ఆచార్య బేతవోలు రామబ్రహ్మం గారు ఈ శతకాన్ని‌ ఆమూలాగ్రం సమీక్షించి,చక్కని ప్రశంసలతో ఆశీర్వదించారు.అలాగే ప్రముఖ కవి శ్రీ రావి రంగారావు గారు కూడా‌ ఈ కావ్యం చాలా బాగున్నదని,తమ సంస్థ ‌పేరున ప్రచురించి ఆవిష్కరణ ...